موقع ملتقى العمار الثقافي
نرحب اجمل ترحيب بالزوار الكرام ونشكر لهم زيارتهم للموقع مع حبنا وتقديرنا ونرجو انهم قد استمتعوا بمواضيعنا

موقع ملتقى العمار الثقافي

موقع الكلمة الحره
 
البوابةالرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول
الموقع يحتوي على مكتبة تكاد تحتوي على كل ماتحتاجون اليه فلا تفوتكم فرصة زيارتها
تم انتقاء اقسام المكتبة لتلبي جميع احتياجات الاعضاء والزوار من مواضيع شتى تتمكن التعرف عليها من خلال العرض العام في الموقع وان لم تعثر على ماتحتاج اليه ارجو ترك ملاحظة بذلك لنتمكن من توفيره
يرجى تفضلكم بالعلم بان الاداره تقوم يوميا باعادة تفعيل الكتب او استبدالها بمواضيع اخرى وقد شرعنا الى ابدال موقع الرفع الى الفور شير بدلا من مواقع الرفع الاخرى حرصا على سهولة الدخول والتحميل

شاطر | 
 

 قبيلة الجرذان

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الاديب
Admin
avatar

عدد المساهمات : 2489
التميز : 1
تاريخ التسجيل : 16/07/2011
العمر : 71
الموقع : العراق

مُساهمةموضوع: قبيلة الجرذان   الثلاثاء يوليو 19, 2011 4:06 pm

المصدر الشيخ فهد الجربا

الجرذان من غفيله من سنجاره من زوبع من شمر

الجرذان ينقسمون الى اربع اقسام رئيسيه وهم

المزيريـــب
الفـــروان
الميـــاق
المعاكلــه

الجرذان وعلى قلة عددهم بزمانهم الا انهم تميز بهم عدد كبير من الاسماء التي اعتبر ان التاريخ ما انصفها حقها في زمانا هذا

يقول النوري الشعلان عندما نزل ضيفا عند الجرذان في الهبكه

ياراكبن من فوق ريضان = ركبه من الروض مردوفه
اودع مناخك على الجرذان = ترى اللغلى الشين ماتشوفه

والجرذان يعتبرون في ذالك العصر وعلى قلتهم من اقوى فخوذ شمر الموجوده انذاك

وهم يعتبرون اسود غفيله بدون منازع


المزيريــــب




ومن ابرز فرسان وعقدا المزيريب هم

شليان المزيريب خال ماجد وسالم الحمود الرشيد
طعــان المزيريــب وسالفته المشهوره مع ساجر الرفدي
العقيد والفارس خوعا ابن مزيريب اللي جاب اباعر ابن عريعر
العقيد والفــــارس زبن المزيريــــــــب (اخو شيمه)
فنيسان المزيريب قتل مع بنيخيه في الطرفيه عيال حمود الرشيد
ومن اشهر فريس الجرذان عيال شليان المزيريب وهم سبعه شلاش والشقاوي ومطلق وفنيسان وضبيان وضرباح و محمد

زبن الشجاع اللـي يـرد الاعـاديابـن الكـريـم الـقـرم راع الحمـيـه
اسمـه يشـع وكـل ربعـه ازنــادياخون وضحه يوم ضرب المطيه


والمزيريب هم خوال الشيخ حمود الهذال وهو احد شيوخ قبيلة عنزه
والمزيريب ايضا هم خوال الشيخ عبيد الثنيان (رحمه الله)


منهم الشقاوي بن مزيريب فارس وقع صويب بحدى المغازي على الرولة وهو منيع للبن شعلان عالجوه لين طاب بعد مده مهي قليله

سمحوا له بانه يرجع للشمر(اللي ما أدري هلي هي بتبادل ربطا او بفدوو او انه سماحه بدون هذي وهذي)

المهم من تميز هالرجل بالاخلاق والمرجله وكذالك الوسامه عاشقته له بنت من الروله يوم ارخصوا له بالرحيل وهي تقصد ماحاضرن الا بيت مجبوع


حط البيت بقصر البيت لاتبعد يالشقاوي =احط ؟؟؟؟ عبدٍ لك و؟؟؟؟لـك فـداوي



ومن مارثت الشقاوي خليف الضبيان له علم غانم

وكذالك منهم العقدا شوردي ودمنان


ودمنان هو والد الشيخ خليف دمنان (رحمه الله) وهو الملقب بعشير ضيفه

وذالك لكرمه وحسن استقباله للضيوف حتى كأنه عشير لضيفه

ويتوزع المزيريب حاليا بالعويقيله ورفحا وحفرالباطن والكويت وحايل ...

.......
المياق


ينتخون بالعليا

منهم من سميوا بالخياله لانهم ثلاثة فريس ردوا القوم لحالهم بدون فزّع هم (عقيل وعواد و وارد)

وعيال عواد (معزي و فرحان)فريس ماهم بسيطين للهم مغازي واكثر مالهم الحنشله ثنينهم جميع وسبحان الله كانت ميتتهم جميع

حيث انهم كانوا ناوين ديار الرولة من ورى سكاكا والجوف وهم يتلاقون بسربة لاشعلان غزياية(بالشويحطية)

وهم يتحامسون بالرمي تمترسوا بلهم حزم المهم نفضوا الاخوان محازمهم وخلصت

ذخيرتهم من الفشق هم وسربة الرولة وردوا الفريس للسيوف !!!وهم يتظاهرون الكل منهم يفك ظهر اخوه وكل ما اهوى بهم احد جدعوه

عجزوا عنهم القوم (الا بجدع الرضم قعدوا يرجمونهم لين ذبحوهم واللي سمعته ان حديهم زاحفن يم اخوه ومنبطح عليه يبي يفكه)لكم الله كل

ما طرت علي هالسالفه بالذات يتطافرن دموعي غصب عني (رحمة الله عليهم)

كل من سمع بذبحتهم تأثر وسمعت ان أبن جبرين شيخ المفضل من اليحيا من عبده يوم سمع بذبحت فرحان ومعزي قال :نعنبوا حيكم كل ما قضبتوا رويلي

أذبحوه وسموا باسم فرحان ومعزي بالثواريات

**صبحوهم مطير والنزل خالي لانهم كانوا غزوا ولا حاضرن الا عواد بن زاكي (ابو فرحان ومعزي)وهو شايب نطحهم خيال وهو يعيقهم لين جوا الفزع

وكسروا مطير وبكليوم جدع عواد ذبحوه مطير بعد ما فك حلال المياق(رحمة الله عليه)

وصبحهم عوده ابو تايه والحضره عقيل(حدا الخياله اللي انا ذكرتهم سابقا)وكانت يده عايبه !!! تطابحوا القوم يقلدون الكسب لانهم يشوفون النزل خالي وممنين

بنتك ياعقيل بوسط النياق وهي تركب الذلول وتصيح عليه وهي تشلع نياق ابوه وركايب القوم بعد !!على حضرت عقيل وهو يحتمي دونهن وهوياهم لين وصلوا الفزع

فزع النمصان ويا حضرت السعد ويكسرون القوم والقوم عقب ماهم كل على ذلول ردوا مراديف ورجليه

قال عقيل للنمصان والله الا تاخذون قلايعكم ركايب القوم يوم فكيتوا نياقي(رحمة الله عليهم جميع)

صبحواهم على (لوقه)الرولة مقدمهم ابن شعلان وخذواهم وانهزموا(أقفوا) بالكسب فزعوا شمر اللي حولهم وبنفس الوقت لحقهم الطلب من المياق والجرذان اللي بالنزل

يوم وصل ابن شعلان للفيضة (العامرية) وهو ينوخ يبي المغدى الضحويه !! حذروه اللي معه قال مهم لاحقيننا ولا حولهم احد !!وهو يذبح له جزور قال غداكم

ياقوم !! الا القوم بظهورهم (الطلب) اولهم سعيد الظيف الله المايق وهموياهم ضرب مخلص لين شلع سعيد ابن شعلان وجدعوه قتيل وخذا البيرق منه

الا الفزع من شمر يكتب عليهم من كل اتجاه وهم يذبحونهم جميع ولا يرد منهم رطب الحلق الا اللي ارسله ابن شعلان يوم ينوخ ارسل له مرسال للربعه انهم كسبوا

يقال ان المبشر ما امداه يبشرهم الا خبر ذبحتهم واصلٍ لهم

وهي به قصيده لاكن صارللي كم يوم احاول اتذكر شي منه عجزت الظاهر اني شيبت ولاني قاضبن منه الا هالشطر ليت من يجيبه كامله او بعضه عساني اتذكره

نوخوهم لابتي بالعامرية

((((سعيد بن ظيف الله هو وعواد بن زاكي وعقاب بن عجل أرحام خالهم ابن زويمل )))((والبيرق اللي خذاوه هو ثاني بيرق للشعلان مع شمر ولاول ماني متئكد

من اللي خذاوه))

وشيخت المياق حاليا للاسود العصمان المايق
.....

الفروان


بهم اسماء مهي بسيطه من فريس وعقدا ما حاضرن ذاكرتي الا روضان عقيد ودليله

وبوه قصيده هو ودبوس المايق:






وبهم العقيد مذود الفروان وهو فارس شجاع

وكان يقود الجيوش واغلب مغازيه على الحويطات ومطير

توفي رحمه الله في حايل


وايضا منهم صلفيق الفروان


المعاكله



منهم خزعل عقيد واشتهر بانه دليلة قوم

ومنهم سعيد المعكلي عقيد سجن بالعراق بسبب المغازي وهو من من لم يستجيبوا وغزى ومسك وسجن

قصد وهو بالسجن يو شاف له طير يحوم بالسما وبعد يوم او يومين وهو يموت (رحمة الله عليه)






مشت شيخان شمر يبون اغديهم يطلقونه يوم جوهم




وهالقصه خليته للاخير لان القصيده تعدد اغلب عقدا الجرذان وهي

ان الجرذان اغلب مغازيهم شمال على الحويطات والروله وغيرهم من نزالة الشمال وكل ما غزى عقيد منهم يمر على شخص من اهل الجوف

بله مكان متطرف على له ماء يسقون ركابهم ويكملون دربهم وبرجعة يمرونه ويبركون عنده من الكسب ناقة من اطيب الكسب

وباحد مغازيهم يوم تعدوا من عنده وحسب وقت رجعتهم على المعتاد قال للعبد أرقب غديك تشوف الربع !! أرقب العبد وقال للعمه ما اشوف الا

زول ردفا(اي اثنين مترادفين ذلول وحده)وهذي اشاره اول ما يتبادر للذهن انهم منكسرين اي مهزومين وان هازول هم الشريده(الناجين فقط)

خاف وارتبك صاحب القصر خوي الجرذان وهو ينطح الزول الي جاي من بعيد ضننا منه انوه من الغزاة

يوم تلقاهم الا هم رجال مردفن له مرة خلفه (ارتاح خوينا وتطمن ان ربعه مابهم خلاف)وهو يسلم على الرجل وينشده من انت ومنين انت جاي؟؟

قال انا اسمي عيد وجاي من حوران (وادي بسوريا يمتد من جنوبها والاردن الى شمالها للاكراد) وهالمرأه هي مرتي من اهل ا***لاد(من اهل حوران)

وينشده وش اسمه قال اسمه عسيلة (الا عسيله بنيت حلال حليل قوم على قولتهم وهذا عاني كل هالعنوه وصيدته عسيله)

المهم صاحبنا طلع شاعر وتقل من السويد بتنكيتهم وهو يقصد له قصيده ما حاضرن منه الا كم بيت:






كانو الجرذان يد وحده لايفرق بينهم شي رغم قله عددهم بهم خمسه وعشرون عقيد
قصيده العامريه
نوخوهم لابتي بالعامريه ـــــــ لين راحو مثل بيضان الرهالي

الخوي بالليل مايردف خويه ـــــــــــ من سبايب ربنا ثم العيالي

والفشق من فوقهم حلب ابرديه ـــــــ والموازن مثل براق الخيالي

ليت منهو عندهم يطلب حذيه ــــــــ عند باقي الربع يرخص كل غالي

انهزم نواف مابه منقديه ـــــــــــــ هربوه اللي يفكون المتالي

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://alammar46.sport-area.net
 
قبيلة الجرذان
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
موقع ملتقى العمار الثقافي :: ملتقى العمار الثقافي :: ملتقى المنتديات :: المنتدى العام-
انتقل الى: