موقع ملتقى العمار الثقافي
نرحب اجمل ترحيب بالزوار الكرام ونشكر لهم زيارتهم للموقع مع حبنا وتقديرنا ونرجو انهم قد استمتعوا بمواضيعنا

موقع ملتقى العمار الثقافي

موقع الكلمة الحره
 
البوابةالرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول
الموقع يحتوي على مكتبة تكاد تحتوي على كل ماتحتاجون اليه فلا تفوتكم فرصة زيارتها
تم انتقاء اقسام المكتبة لتلبي جميع احتياجات الاعضاء والزوار من مواضيع شتى تتمكن التعرف عليها من خلال العرض العام في الموقع وان لم تعثر على ماتحتاج اليه ارجو ترك ملاحظة بذلك لنتمكن من توفيره
يرجى تفضلكم بالعلم بان الاداره تقوم يوميا باعادة تفعيل الكتب او استبدالها بمواضيع اخرى وقد شرعنا الى ابدال موقع الرفع الى الفور شير بدلا من مواقع الرفع الاخرى حرصا على سهولة الدخول والتحميل

شاطر | 
 

 اجمل الدارمي والابوذيه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
طــه العماري



عدد المساهمات : 2
التميز : 0
تاريخ التسجيل : 17/07/2011
العمر : 27
الموقع : www.earthlinktele.com

مُساهمةموضوع: اجمل الدارمي والابوذيه   الأحد يوليو 24, 2011 4:35 pm

اريد ابقه اني ﯾﻤﭻ ليل ونهار
ومن ﺤﺑﭻ شربت شطوط ... وانهار
اطيحن من اشوﻓﭻ كلي ... وانهار
وارد انبني من تلمسين اديه !!

*


عله هدومي زماني شر طيانه
وسجين الحلو كون و ... شرطي انه
واذا عن شرطي تسأل ... شرطي ﺁنه
من ابوسك كون ما تصرخ عليه !!



روحي شما تعت بيهه متنعت
وردت تذلهه الك لكن ... امتنعت
تره شما ردت تنعتني ... متنعت
لأن نعتك ردي وميليق بيه

الدارمي

شرسل الك بالعيد يا اغلة الاحباب
تستاهل انتة العين حدوري جلاب
*
اقسم الك بحسين والقلع خيبر
اسمك بوسط الروح دكيتة حيدر

شلون التكوله يصير ونتة بكياني
ترهم يبعد الروح انة انسة اني

اختر تقييما مو كلش يعني زين حلو طاگ
من روحي تطلع روح...تطلع وردهة
السبــب من فركاك...ظـلت وحدهة

رفت عليــك العيـن...وانته بجفنها
وخل تعمة بس تلكاك...وانته اغله منها

رفت عليــك العيـن...زايد بجيها
تلفت ترة بفركــاك...يمته تجيها
تنهي اسرع امنلصوت لو رايد اتدگ
حتى امنذب ازروگ هم ماالحگ

اخذ الگلب سنتات دخله ابرصيدك
خاطر تدگ علروح كلما نريدك

انتحر بالسنتات وانفض رصيدي
وجسمي اشتغل هزاز من رجلي ليدي

تستاهل انته الروح مو بس رساله
رصيدي لو خلصان دمي بداله

ليش الرساله وياي عند خسارة
ماظن خمس سنتات يبنن عمارة

كون انگلب سنتات وابقى برصيدك
ومن تغازل الحلوات اطفر واصيدك

لا تخسر السنتات جاوبني ترميش
حبك نبت بعضاي فلشني تفليش

غالي وعزيز الكرت وافلوسه كلفه
اذكرني بعشر سنتات واحسبه سلفه

الكارت والسنتات عذبن حالي
خل أگطع المسكول لا يفتحه الغالي

ليش النحبه اهواي يكثر دلاله
ويبخل علينا اشبيه حتى برساله

نص استكان الشاي سعر الرساله
قاطع ويانه اشبيك وين العداله

ليش احنة من نشتاگ نزحف بدينة
وانتة بخمس سنتات تبخل علينة

تدريني يالمحبوب بس انته اريدك
وينك ولو مس كول خمس رصيدك

لا أرضي لانقـــــــال والعبره بالريج
تريديني أخابر بيش قابل بالبــريج

ابوذيات للموبايل


نار فراككم بالقلب ماجن
وعليكم زين عندي عقل ماجن
رسايلكم عجب لليوم ماجن
السبب شنهو گطعتوهن عليا؟

سن سيفة الدهر بحشاي سنتين
مو حسافه العمر وياك سنتين
ابشرك من رصيدي بقآ سنتين
واذا عندك رصيد اتصل بيه

انه الصياد صادتني شبكتك
دخيل الله شكثر حلوه شبگتك
ادگ عليك مشغولة شبكتك
واظن مقفل جهازك بس عليه

رساله شوگ يالمحبوب ودلـــي
مثل ماوديت الك باخلاص ودلي
دلو غيري يجي متروس ودلــي
من البير ويرد فارغ بـــــــــديه

هجرتك للأبد وهجرت دارك
ما ادري حجي الناس فرك ودارك
شكد واجهت حبنا مشاكل وماعرفنة ندارك
بعد شلي بهل هم والاذيه

يفز گلبي گبلگ اه ...لو صاح
وتهت سكران انه بيك...لوصاح
غلط حبي الك معرفت ...لو صح
حبيتك انه والبلوه عليه

عن حبكم اريد اهجر بعد ...مارد
چي حبكم صفى لچلاي ...مـــــارد
اگله هاك عيوني اخذة يگول ...مارد
اگصصهن لو بعد تنطيك ادية

حبيبي من تصب الجاي حلـــــــــــــة ..
ومن تكعد اكباللي باحلة حلــــــــة ..
الي يعاشر ما يعشر غير اهل حلــــــــة..
صـدق ووفـة وغيرة وحميـــــة

تكلي بعد ما اريدك ولا ابيك
هاي اطباع مو منك ولا بيك
ابد ما الوم والدتك ولا ابيك
الوم الوكت الرهاك عليه


لمن اشكي هموم الدهرواشراح
وما ادري شبقى من العمر واشراح
الناس فخاذ تاكل لحم واشراح
وانا العظمات ماتحصل بديه

فراكك هدني ولا خله بيه ابد حيل
وياهو اشكيله يكلي يستاهل والف حيل
كلما تدوس على كلبي اكولن بعد حيل
دوس وخلي الوجع يزداد بيه

ورمشاك
راحت روحي تتمشه ورمشاك
جفنك مني جرجرها ورمشاك
رمش اني احب رقمك ورمشاك
ترد الروح من ترمش عليه
عمي انا
قسيت وياك يسمر عمي انا
وعين الي الماتشوفك عمي انا
اذا خالك فزعلك عمي انا
تبرة وضحك والوادم علية
علية الدهر لازم سيف ويسن
او ماهمة حبيبي العمر وسن
عشكت الاف ثم النون والسين
اوردت من فوك اللة ايكتبة الية
وكتهن
حجايانا قضن يشـــــــقر وكتهن
ولون يحصل مجال إلهن وكتهن
أنا القى أدموع بعيــوني وكتهن
أودمعي خلص وانقــــــطع ميه
__________________

ارجو انت نتال اعجابكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
علي العمار

avatar

عدد المساهمات : 5
التميز : 0
تاريخ التسجيل : 24/07/2011
العمر : 36
الموقع : فيس بوك علي العمار

مُساهمةموضوع: رد: اجمل الدارمي والابوذيه   الأحد يوليو 24, 2011 4:41 pm

شكرا اخ طه على هذه الابوذيات الجميله نرجو منك المزيد بوركت يا ابن ابي الزوبعي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طــه العماري



عدد المساهمات : 2
التميز : 0
تاريخ التسجيل : 17/07/2011
العمر : 27
الموقع : www.earthlinktele.com

مُساهمةموضوع: رد: اجمل الدارمي والابوذيه   الأحد يوليو 24, 2011 6:41 pm

شكرا على المشاركه اللطيفه يا ابن ابي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
اجمل الدارمي والابوذيه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
موقع ملتقى العمار الثقافي :: ملتقى العمار الثقافي :: ملتقى المنتديات :: احداث ثقافية-
انتقل الى: